Vaqif Abdulla oğlu Şərifov Gəncədə anadan olub.

Azərbaycan Dövlət İncəsənət İnstitutunun Rejissorluq fakültəsində təhsil alıb (1967).

1960-cı ildən teatrda əmək fəaliyyətinə başlayıb. Gəncə Dövlət Dram Teatrında rejissor (1967-1974), Sumqayıt Dövlət Dram Teatrında baş rejissor (1974-1977), Ağdam Dram Teatrında baş rejissor (1977-1981), Gəncə Dövlət Dram Teatrında quruluşçu rejissor (1981-1984), direktor və bədii rəhbər vəzifəsində çalışıb (1984-1998).

“Qanun dəllalı” tamaşasının quruluşuna görə “Qızıl Dərviş” mükafatına layiq görülüb (2003).

“Tərəqqi” medalı ilə təltif edilib (2013).

Əməkdar incəsənət xadimi (1992), Xalq artisti (2014) Vaqif Şərifov 2021-ci ildə Gəncədə vəfat edib, Gəncə Şəhər Fəxri Xiyabanında dəfn olunub.