Səyavuş Kərimi

Səyavuş Əşrəf oğlu Kərimi (Siyavuş Kərimi) Bakıda anadan olub.

Bülbül adına Orta İxtisas Musiqi Məktəbinin tar sinfində (1969-1972, Əhsən Dadaşovun sinfi), Azərbaycan Dövlət Konservatoriyasında (1972-1977) təhsil alıb.

1979-cu ildən Rəşid Behbudov adına Dövlət Mahnı Teatrının orkestrində solist musiqiçilərdən biri, “Azkonsert”, “Aşıqlar” qrupunun, “Cəngi” estrada-folklor ansamblının, Azərbaycan Televiziyası və Radiosunun estrada-simfonik orkestrinin üzvü, “Azərbaycanfilm” kinostudiyasının Rafiq Babayev adına musiqi studiyasında bədii rəhbər vəzifələrində çalışıb.

Beynəlxalq miqyaslı bir çox layihələrinin müəllifi kimi tanınır. 1997-ci ildə Azərbaycan-Norveç, 2002-ci ildə Azərbaycan-Cənubi Amerika musiqi layihələri onun rəhbərliyi altında gerçəkləşib.

“Saz məktəbi” dərsliyinin həmmüəllifi, iki cilddən ibarət “Azərbaycan xalq mahnıları” məcmuəsinin tərtibçisidir.

Azərbaycan Milli Konservatoriyasının rektoru olub (2001-2024). 

Akademik Milli Dram Teatrında səhnələşdirilən “Hamlet” tamaşasına yazdığı musiqiyə görə “Qızıl Dərviş” mükafatına layiq görülüb (2003).

“Şöhrət” (2014) və “Şərəf” (2020) ordenləri ilə təltif edilib.

Xalq artistidir (2005).