Şahin Seymur oğlu Həsənli (Şahin Həsənov) Bakıda anadan olub.

84 saylı rəssamlıq məktəbində (1987-1990), Əzim Əzimzadə adına Azərbaycan Dövlət  Rəssamlıq Məktəbində (1992-1994) təhsil alıb. Rəssam Toğrul Sadıqzadənin emalatxanasında sənət dərsləri keçib.

1990-cı ildən “Azərbaycanfilm” kinostudiyasında işləyib.

Xarici film istehsalçılarının “Dağıdılmış körpülər” (1996, ABŞ, rejissor Rafiq Puya) filminin rəssam assistenti, “Qraf Krestovski” (2004, Rusiya, rejissor Ramiz Fətəliyev) serialının geyim rəssamı, “Arzular” (2005, İran, rejissor Rəhbər Qənbəri) filminin rəssamı, “Anaya aparan yol” (2016, Qazaxıstan, rejissor Akan Satayev) filminin geyim rəssamı, “Günbatan News” (İran) serialının rəssamıdır.