Gülşən Zəki qızı Səlimova Bakıda anadan olub. Azərbaycan Dövlət İncəsənət İnstitutunun Mədəni-maarif fakültəsində təhsil alıb (1977-1982). 1972-ci ildən “Azərbaycanfilm” kinostudiyasında montajçı, 1980-ci ildən montaj ustası kimi çalışıb. Dövlət Film Fondunda şöbə müdiri olub (2011-2023). Azərbaycan Dövlət Mədəniyyət və İncəsənət Universitetinin Kino və televiziya sənətləri kafedrasında dərs deyib (1992-2013). Əməkdar mədəniyyət işçisidir (2006).