Elmira Allahverdi qızı Rəhimova Bakıda anadan olub.

Asəf Zeynallı adına Azərbaycan Dövlət Musiqi Texnikumunda (1965), Azərbaycan Dövlət Dillər İnstitutunda (1970) təhsil alıb.

1956-cı ildən Azərbaycan Dövlət Filarmoniyasının və Azərbaycan Teleradio Verilişləri Şirkətinin solisti olub. Keçən əsrin 50-ci illərinin sonunda hind mahnılarının ifaçısı kimi tanınıb, Hindistanın Baş naziri Cəvahirləl Nehrunun dəvəti ilə Hindistanda olub, hind mahnı və rəqslərini öyrənib. Bir müddət Hindistanda yaşayıb. Azərbaycan bəstəkarlarının mahnılarını özünəməxsus ustalıqla ifa edib. Dünyanın 60-dan çox ölkəsində konsert proqramları ilə çıxış edib.

Xalq artistidir (2000).