Əjdər Mehdi oğlu Zeynalov Qərbi Azərbaycanın Zəngibasar-Uluxanlı mahalının Qaraqışlaq kəndində anadan olub.

Azərbaycan Dövlət İncəsənət İnstitutunun Dram-kino aktyorluğu fakültəsində təhsil alıb (1982-1988).

1982-ci ildə İrəvan Dövlət Azərbaycan Dram Teatrında aktyor fəaliyyətinə başlayıb.

“Gəl qohum olaq” (İsi Məlikzadə) komediyasında Ədalət rolu ilə böyük səhnəyə addım atıb.

Bir müddət Rusiyada yaşayıb. Müəyyən fasilədən sonra 2007-ci ildən yenidən İrəvan Dövlət Azərbaycan Dram Teatrında fəaliyyətini davam etdirib.

2013-cü ildə Akademik Milli Dram Teatrında “Sənətkarın taleyi” (Elçin) əsərində Qubernator rolunu oynamaq üçün dəvət olunub və indiyə qədər də müqavilə əsasında fəaliyyətini davam etdirir.