Diana Hacıyeva (Dihaj) Ukraynanın Mariupol şəhərində anadan olub. Bakı Musiqi Akademiyasının Xor dirijorluğu ixtisasında və Londonda Müasir Musiqi Performansları İnstitutunda təhsil alıb. Uşaqlıqdan musiqi ilə məşğul olub. Bu illər ərzində caz ilə peşəkar şəkildə məşğul olmağa başlayıb. Dihaj adlı musiqi qrupunu yaradıb. Qrup əsasən pop, elektronik və eksperimental janrında musiqilər ifa edir. Azərbaycanı 2017 Avroviziya Mahnı Müsabiqəsində təmsil edib.