Ənvər Cəfər oğlu Həsənov Bakıda anadan olub.

“Azərbaycanfilm” kinostudiyasında kino aktyoru kursunda (1965-1969), Azərbaycan Dövlət İncəsənət İnstitutunun Kino və dram aktyorluğu fakültəsində (1969-1973) təhsil alıb.

1965-ci ildən “Azərbaycanfilm” kinostudiyasında çalışıb.

İran istehsalı olan “Almalar” (rejissor Əkbər Sadiqi) filminin ikinci rejissoru olub.

Əməkdar artist (2000), Xalq artisti (2018) Ənvər Həsənov 2025-ci ildə vəfat edib, Buzovna qəbiristanlığında dəfn olunub.

Aktyor, rejissor Ənvər Həsənov aktrisa Mömünat Qurbanovanın həyat yoldaşı olub.