Seymur Şahbazzadə (Seymur Şahbazov Bahəddin oğlu) Sumqayıtda anadan olub. Bakı Sosial İdarəəetmə və Politologiya İnstitutunda təhsil alıb (1991-1996).

1997-2003-cü illərdə Müdafiə Nazirliyinin orqanı olan “Azərbaycan ordusu” qəzetinin bölgə hərbi müxbiri vəzifəsində xidmət edib. Ehtiyatda olan zabit, kapitandır. 2004-2006-cı illərdə hərbi veriliş redaktoru və sənədli filmlər müəllifi olaraq “Lider” televiziyasında işləyib. 2019-cu ildən etibarən Azərbaycan televiziyasının “Sabah” Yaradıcılıq Studiyasında redaktordur.