Bahadur Atabala oğlu Əliyev Masallının Sığıncaq kəndində anadan olub.

Azərbaycan Dövlət İncəsənət İnstitutunun Kino və dram aktyorluğu fakültəsində təhsil alıb (1956).

“Azərbaycanfilm” kinostudiyasında çalışıb. 

Uzun müddət dublyaj sahəsində də fəaliyyət göstərib. Bir müddət dublyaj sexinin direktor müavini işləyib.

Xarici film istehsalçılarının “Odlu yollar” (1977-1984, rejissor Şuhrət Abbasov / Özbəkistan), “Əlibaba və qırx quldurun sərgüzəştləri” (1979, rejissorlar Lətif Feyziyev, Umeş Mehra / Özbəkistan, Hindistan), “Coşqun çayın axınında” (1980, rejissor Zinoviy Royzman / Özbəkistan) filmlərində çəkilib.

Bahadur Əliyev 2002-ci ildə Sumqayıtda yolda ürək çatışmazlığından infarkt keçirərək vəfat edib.