Aqil M.Quliyev (Aqil Quliyev Mansur oğlu) Bakıda anadan olub.

Azərbaycan Dövlət Mədəniyyət və İncəsənət Universitetinin Bədii kino və televiziya rejissorluğu fakültəsində təhsil alıb (1990-1996).

1989-cu ildə “Azərbaycanfilm” kinostudiyasında rejissor köməkçisi kimi fəaliyyətə başlayıb. “MİR” Teleradio Şirkətində və Azərbaycan televiziyasında rejissor (1994-1997), ABA TV-də reklam rejissoru (1997-1999), “Academy Production” şirkətinin icraçı direktoru (2006-2007) vəzifələrində çalışıb.

1992-ci ildən aktyor kimi filmlərdə çəkilir.
Müstəqil prodüser və rejissor kimi reklam və musiqi klipləri ilə məşhurlaşıb.

Rusiya istehsalı olan “Biz sizə müharibə elan edirik” (2010, rejissor İqor Xolodkov) serialında Ruslan rolunda çəkilib. 

2007-ci ildən “Aqil M.Film” şirkətinin təsisçisi və bədii rəhbəridir.