Rəhilə Cabbarova

Rəhilə Muxtar qızı Cabbarova Tiflisdə anadan olub.

Tiflisdə 1 saylı musiqi məktəbində, Azərbaycan Dövlət Konservatoriyasının vokal şöbəsində (1949–1954) təhsil alıb.

Müharibə illərində (1941–1945-ci illər) Tiflis şəhərindəki hərbi hospitalda işləyib. Tiflis Xalq Yaradıcılığı evində təlimatçı olub (1945–1947). Gürcüstan Dövlət Mahnı və Rəqs ansamblına solist götürülüb. 1947-ci ildə ailəsi ilə Bakıya köçüb.

Üçüncü kurs tələbəsi olarkən Azərbaycan Dövlət Akademik Opera və Balet Teatrına solist götürülüb. İlk dəfə səhnəyə "Koroğlu" operasında (Üzeyir Hacıbəyov) xanəndə qız rolunda çıxıb. Messo-soprano səsli opera müğənnisi olub. Radio və televiziya verilişlərində də tez-tez iştirak edib.

Azərbaycan Dövlət İncəsənət İnstitutunun vokal kafedrasının müdiri vəzifəsində çalışıb (1971–1997).

Əməkdar artist (1958) Rəhilə Cabbarova 2002-ci ildə vəfat edib.