Arif Qazıyev

Arif Lətif oğlu Qazıyev İrəvanda anadan olub, Gəncədə yaşayıb.

Azərbaycan Dövlət Teatr İnstitutunda təhsil alıb.

1956-cı ildən Azərbaycan televiziyasında əvvəlcə diktor, sonra televiziyanın nəzdində yaradılan Miniatür Teatrının aktyor truppasında, bir müddət musiqi şöbəsində çalışıb. Televiziya çəkilmiş musiqi mövzusunda bir çox filmin rejissoru olub. 1988-ci ildə Muğam Teatrını təsis edərək bədii rəhbəri və baş rejissoru olub. “Şöhrət” ordeni ilə təltif olunub (2008).

Əməkdar incəsənət xadimi Arif Qazıyev 2022-ci ildə vəfat edib, Nardaran qəbiristanlığına dəfn olunub.

Rejissor Arif Qazıyev aktrisa, rejissor-pedaqoq Nəzakət Qazıyevanın həyat yoldaşıdır.