Tural Oktay oğlu Cəfərov (Qan Turalı) Əli Bayramlıda (Şirvanda) anadan olub.

Bakı Dövlət Universitetinin Sosial elmlər və psixologiya fakültəsində Fəlsəfə (2005), sosial fəlsəfə (2007, magistratura) üzrə təhsil alıb.

"Ədalət", "525-ci qəzet", "Reytinq" qəzetlərində, "Azadlıq" qəzetinin köşə yazarı (2006-2011) çalışıb. Abzas.net adlı internet jurnalının qurucusu və redaktoru olub. Kulis.Az internet jurnalının baş redaktoru (2011-2018), Səda Tədris Teatrında ədəbi hissə müdiri (2018-2019), Azərbaycan Dövlət Tərcümə Mərkəzində epiloq.az saytının baş redaktoru (2019-2024) olaraq çalışıb.

2005-ci ildən bədii yaradıcılıqla məşğuldur. Romanları, hekayələri, şeirləri var.

2017-ci ildən Azərbaycan Dövlət Dillər Universitetinin Fəlsəfə və ictimai elmlər kafedrasının müəllimidir.