Həlimət Məhəmməd qızı Məmmədova (Həlimət Sultan) Balakənin Tülü kəndində anadan olub. Azərbaycan Dövlət İncəsənət İnstitutunun Dram-kino aktyorluğu fakültəsində təhsil alıb (1989).

1982-ci ildən Azərbaycan Dövlət Muğam Teatrında aktrisa kimi fəaliyyətə başlayıb.

2002-ci ildə təsis olunmuş “Savalan” qrupunda qiraətçi və müğənni kimi fəaliyyət göstərib.

Yuğ Teatrında “Üz tuturam Tanrıya”, “Olsun” tamaşalarında musiqi və şeirləri ifa edib.

Ramiz Rövşənin “Qapı” poemasının motivləri əsasında hazırlanmış video-tamaşada, “Biz ölən deyilik” kompozisiyasında iştiraak edib.

AMEA Folklor İnstitutunun Aşıq yaradıcılığı şöbəsində böyük laborant vəzifəsində çalışır.