Yusif Məmmədağa oğlu Əkbərov (Yusif Əkbər) Bakıda anadan olub. M.A.Əliyev adına Azərbaycan Dövlət İncəsənət İnstitutunun rejissorluq fakültəsində təhsil alıb (1972). C.Cabbarlı adına Gəncə Dövlət Dram Teatrında quruluşçu rejissor (1972-1974), H.Ərəblinski adına Sumqayıt Dövlət Dram Teatrında quruluşçu rejissor (1974-1987), baş rejissor (1987-1991) işləyib. 1991-ci ildən Azərbaycan Dövlət Musiqili Komediya Teatrında quruluşçu rejissor (1991-2006), 2006-ci ildən baş rejissor işləyib (2006-2014). Yusif Əkbərov 2016-cı ildə vəfat edib.