Yefim Abramov (İfraim Abramov / Efraim Abramov) Bakıda anadan olub. Ümumittifaq Dövlət Kinematoqrafiya İnstitutunda təhsil alıb (1980, İ.Talankin və Georgi Daneliyanın kursu). 1981-ci ildə “Azərbaycanfilm” kinostudiyasında rejissor kimi əmək fəaliyyətinə başlayıb. Bir neçə filmin rejissoru və ssenari müəllifidir.
Xarici film istehsalçılarının “Limonlu kofe” (1994, rejissor Leonid Qoroves / İsrail, Rusiya) filmində inzibatçı rolunda çəkilib, “Verona səması altında” (2004, rejissorlar Vladimir Krasnopolski, Valeri Uskov / Rusiya, İsrail) serialının ssenari müəllifi olub.
Hazırda İsraildə yaşayır.