Yavər Maarif oğlu Rzayev Bakıda anadan olub. M.A.Əliyev adına Azərbaycan Dövlət İncəsənət İnstitutunun teatr rejissorluğu ixtisasında (1975-1980), Ümumittifaq Dövlət Kinematoqrafiya İnstitutunun rejissorluq fakültəsində (1985-1990, V.Lisakoviçin emalatxanası) təhsil alıb. 1980-ci ildən “Azərbaycanfilm” kinostudiyasında çalışır. “İlahi məxluq” filminə görə “Ən yaxşı orijinal ssenari” nominasiyasında “Qızıl Pəri” mükafatına layiq görülüb (2015). Əməkdar incəsənət xadimidir (2008).