Yaqub Əlioğlu (Yaqub Məmmədov Əli oğlu) Cəbrayıl rayonunun Soltanlı kəndində anadan olub. M.A.Əliyev adına Azərbaycan Dövlət İncəsənət İnstitutunun Teatrşünaslıq şöbəsində təhsil alıb (1986). 1972-ci ildən mətbuatda çap olunur. Müxtəlif forma və mövzulu 1000-dən çox məqalənin müəllifidir. Azərbaycan Televiziya və Radio Verilişləri QSC-nin “Azərbaycantelefilm” Yaradıcılıq Birliyində baş redaktor vəzifəsində çalışıb. “Qızıl Qələm”, “Qızıl Dərviş” mükafatları laureatıdır.