Sona Salman qızı Hacıyeva Nuxada (Şəki) anadan olub. Bir yaşında ikən atası vəfat edib. 1919-cu ildə ailəsi ilə birlikdə Bakıya köçüb. Səhnə fəaliyyətinə 1921-ci ildə Bakı Azad Tənqid Təbliğ Teatrında başlayıb. 13 yaşında ikən S.M.Qənizadənin “Axşam səbri xeyir olar” tamaşasındakı Çimnaz rolu ilə debüt edib. 1927-ci ilədək opera və musiqili komediyalarda da rol oynayıb. Uzun müddət Azərbaycan Dövlət Dram Teatrında işləyib (1923-1970). Əməkdar artist (1933), Xalq artisti (1949) Sona Hacıyeva 1979-cu ildə vəfat edib.

Aktrisa Sona Hacıyeva aktrisa Əzizə Məmmədovanın qızıdır.