Sevda Əliəşrəf qızı Sultanova Bakıda anadan olub. Bakı Sosial İdarəetmə və Politologiya İnstitutunda təhsil alıb (1996). 2000-ci illərdən kinotənqidçilik fəaliyyəti ilə məşğuldur. “Ekranlaşdırılmış ədəbi əsərlər” (2019) kitabının, “Azərbaycan postsovet kinosunun müxtəsər tarixi”, “Azərbaycan kinosunda qadın obrazı” və s. araşdırmaların, mədəniyyət portallarında ekran sənəti haqda yazıların müəllifidir. Müxtəlif mədəniyyət layihələrinin iştirakçısıdır. Azərbaycan Kinematoqrafçılar İttifaqının “Sənət ideallarına sadiqliyinə görə” (2020) mükafatına layiq görülüb.