Samir Ceyhun oğlu Qulamov Bakıda anadan olub. Azərbaycan Dövlət Mədəniyyət və İncəsənət Universitetinin Dram və kino aktyorluğu fakültəsində (2001, Azərpaşa Nemətov və Əliabbas Qədirovun kursu), Rüstəm İbrahimbəyovun Beynəlxalq Kino Məktəbinin Kinorejissorluq ixtisasında təhsil alıb. 2000-ci ildə Akademik Milli Dram Teatrının artist heyətinə qəbul edilib. 2004-cü ildən rejissor kimi faliyyət göstərir. Sumqayıt Dövlət Musiqili Dram Teatrında, Zaman Teatrında, Akademik Milli Dram Teatrında, Şuşa Dövlət Musiqili Teatrında tamaşalara quruluş verib. Dövlət tədbirlərinin rejissoru olub. “Artist” kino şirkətini təsis edib.