Sərvər Rəşidoğlu (Sərvər Quliyev Rəşid oğlu) Balakəndə anadan olub. Ümumittifaq Dövlət Kinematoqrafiya İnstitutunun kinooperatorluq fakültəsində təhsil alıb (1984). 1979-cu ildə “Azərbaycanfilm” kinostudiyasında fəhlə kimi fəaliyyətə başlayıb. Daha sonra “Xronikal, sənədli filmlər” studiyasında operator assistenti, ikinci operator, operator işləyib (1980-2000). 2000-ci ildən Lider televiziyasında çalışır. Həm də Azərbaycan televiziyasının əməkdaşıdır.