Səidə Əbülfəz qızı Quliyeva Bakıda anadan olub. M.Əliyev adına Azərbaycan Dövlət İncəsənət İnstitutunun Dram və kino aktyorluğu fakültəsində təhsil alıb (1978). 1978-ci ildən təyinatla Akademik Milli Dram Teatrına göndərilib. Böyük səhnədə debütü 1979-cu ildə rejissor Əşrəf Quliyevin hazırladığı “Heç nədən hay-küy” (V.Şekspir) komediyasında Hero rolu olub. Əməkdar artist (2000), Xalq artistidir (2012).