Rza Əli oğlu Xudiyev Naxçıvanın Culfa rayonunda anadan olub. Orta məktəbdə oxuduğu illərdə dram dərnəyinə həvəs göstərib. Azərbaycan Dövlət İncəsənət İnstitutunun Dram və kino aktyorluğu fakültəsində təhsil alıb (1983). 1987-ci ildə təyinatla Naxçıvan Dövlət Musiqili Dram Teatrına göndərilib. Naxçıvanın Əməkdar artisti (2000), Azərbaycanın Xalq artisti (2008), Qızıl Dərviş mükafatı laureatıdır (2007). 2014-cü ildən C.Məmmədquluzadə adına Naxçıvan Dövlət Musiqili Dram Teatrının direktorudur.