Röyal Gündüz oğlu Əliyev Ağdaşın Ləki qəsəbəsində anadan olub. Azərbaycan Dövlət Mədəniyyət və İncəsənət Universitetinin kinorejissorluq ixtisasında təhsil alıb (2007-2011). İctimai televiziyada, ARB Aran televiziyasında çalışıb. “Şəhidlər ölməz” və “Bura vətəndir” silsilə televiziya filmlərinin rejissoru olub (İTV). Filmləri müxtəlif yerli və beynəlxalq festivallarda mükafatlara layiq görülüb. “Avqust yağışı” adlı romanı işıq üzü görüb (2019).