Ramiz Əlirza oğlu Babayev Bakının Əmircan qəsəbəsində anadan olub. Odessa şəhərində Kinematoqrafiya Məktəbində (1959-1962), M.Əzizbəyov adına Neft və Kimya İnstitutunun Energetika fakültəsinin Elektrik intiqalı və avtomatlaşdırılmış qurğular ixtisasında (1963-1969) təhsil alıb. 1957-ci ildən “Azərbaycanfilm” kinostudiyasında operator köməkçisi vəzifəsində işləməyə başlayıb. Daha sonra bir çox filmdə quraşdırılmış səhnələrin operatoru olub. Ramiz Babayev 1994-cü ildə vəfat edib.