Rəsmi Xalid oğlu Cəbrayılov (Ramzes Cəbrayılov) Dağıstan Respublikasının Qasımkənd rayonunda anadan olub. Rusiya Teatr Sənətləri Universitetində (GİTİS) Aktyorluq (1955) və Rejissorluq (1961) təhsili alıb. S.Stalski adına Dərbənd Ləzgi Musiqili Dram Teatrında aktyor (1955-1956), “Tacikfilm” studiyasında ikinci rejissor (1961-1962), M.Qorki adına Mahaçqala Dağıstan Rus Dram Teatrında rejissor (1962-1963), M.Qorki adına Tulski Dram Teatrında rejissor (1963-1964), Taqanka Teatrında aktyor (1964-1993), 2002-ci ildən V.Mayakovski adına Moskva Akademik Teatrında çalışıb. Rusiyanın Əməkdar artisti (1987) Rəsmi Cəbrayılov 2022-ci ildə Moskvada vəfat edib.