Nicat Əli (Nicat Həbibov Əli oğlu / Nicat Əlizadə) Bakıda anadan olub. Azərbaycan Dövlət Milli Konservatoriyasının nəzdində Musiqi Kollecinin tar sinfində (2005–2009), Azərbaycan Dövlət Mədəniyyət və İncəsənət Universitetinin Musiqili teatr aktyorluğu fakültəsində (2009-2013, 2013-2015-magistratura) təhsil alıb. Hacı Xanməmmədov adına musiqi festivalının laureatı olub (2005). Pərviz Məmmədrzayevin “Plastik Dram Teatr Studiyası”nda aktyor olaraq çalışıb (2011-2014). Türkiyə istehsalı olan “Zəngin qız, kasıb oğlan” (2013) serialında həkim Ramin rolunda çəkilib. 2014-cü ildən Azərbaycan Dövlət Musiqili Teatrının aktyorudur.