Nahid Abbaszadə Qazaxda anadan olub. 2000-2007-ci illərdə ailəsi ilə birlikdə Türkiyənin İstanbul şəhərində yaşayıb. Azərbaycan Dövlət Mədəniyyət və İncəsənət Universitetinin Aktyorluq fakültəsində (2009-2013) və Türkiyənin İstanbul şəhərində yerləşən “Sadri Alışık Akademiyası”nda təhsil alıb. Bir müddət Azərbaycan Akademik Milli Dram Teatrında Vidadi Həsənov və Pərviz Məmmədrzayevin “Gənc aktyorlar” studiyasında çalışıb. “Kanal S” (indiki “ARB Şəki”) televiziyasında yayımlanan “Ziq-zaq” verilişinin aparıcısı olub (2014-2016). Hazırda Türkiyədə yaşayır. “Sadri Alışık Teatrı”nın aktyorudur.