Mirzə Mirzəbaxış oğlu Mustafayev (Mirzəbəy Mustafayev) Bakıda anadan olub. 1931-ci ildən kinoda fəaliyyət göstərib. Böyük Vətən Müharibəsinin (1941-1945) ilk günlərindən ön cəbhədə çəkilişlər aparıb, düşmənlə döyüşüb, dəfələrlə ölümlə üz-üzə qalıb. Müharibədən sonra da kinoda fəaliyyətinə həm operator, həm də sənədli filmlərin rejissoru kimi davam edib. Mirzə Mustafayev 1979-cu ildə vəfat edib.
Operator, rejissor Mirzə Mustafayev rejissor Nina Mustafayevanın həyat yoldaşı olub.