Məzahir Həbulla oğlu Süleymanov Zərdab rayonunun Məmmədqasımlı kəndində anadan olub. Bakıxanov qəsəbəsindəki 2 saylı texniki-peşə məktəbində, M.A.Əliyev adına Azərbaycan Dövlət İncəsənət İnstitutunun Dram və kino aktyoru fakültəsində təhsil alıb. 1972-ci ildən H.Ərəblinski adına Sumqayıt Dövlət Musiqili Dram Teatrında çalışır. Oynadığı ilk rol “Azmış oğul” (Rannet) tamaşasında Lembit obrazı olub. Əməkdar artist (2006), Xalq artistidir (2008).