Larisa Cahangir qızı Xələfova (Larisa Soloninova) Bakıda anadan olub. Boris Şukin adına Teatr Peşə Məktəbində təhsil alıb (1972). Sverdlovsk Dram Teatrının aktrisası (1972-1974), 1975-ci ildən S.Vurğun adına Azərbaycan Dövlət Rus Dram Teatrının aktrisası olub.

Xarici kinematoqrafçıların istehsalı olan “Son qayduk” (1972, rejissor Valeriu Qajiu / Moldova), “İnsan gülümsəyəndə” (1973, rejissor Boris İvçenko, stüardessa rolunda / Ukrayna), “Marina” (1974, rejissor Boris İvçenko, Aspasiya rolunda / Ukrayna), “Tənha kommersantın uduşu” (1984, rejissor Sebastyan Alarkon / Rusiya), “Berkut maskası altında” (1991, rejissor Georgi Nikolayenko, Cannet Delorm rolunda / Rusiya) filmlərində çəkilib.

Hazırda Moskvada yaşayır və çoxsaylı film və seriallarda aktrisa və aktyorlarla iş üzrə rejissor assistenti kimi fəaliyyət göstərir.