Hicran Fətəli qızı Nəsirova (Hicran Qəşəmova) Bakıda anadan olub. M.Əliyev adına Azərbaycan Dövlət İncəsənət İnstitutunun Dram və kino aktyorluğu fakültəsində təhsil alıb (1979). Təyinatla Tədris Teatrında çalışmağa başlayıb. 1981-ci ildə Akademik Teatrda Vaqif İbrahimoğlunun quruluşunda Anarın “Səhra yuxuları” psixoloji dramında Leyla rolunu ifa edib. 1986-cı ildən Akademik Milli Dram Teatrının aktyor truppasının üzvüdür. Xarici film istehsalçılarının “Absurdistan” (2008, rejissor Veit Helmer / Almaniya) filmində bərbərin arvadı rolunda çəkilib. Əməkdar artistdir (2000).