Gunay Əhməd (Günay Əhmədova / Günay Məmmədova) Gürcüstanın Dmanisi rayonunda anadan olub. 1987-ci ildə ailəsi ilə birgə Rusiyann Kursk vilayətinə, 1992-ci ildə Bakı şəhərinə köçüblər. 1992-ci ildə “Karate Do”, daha sonra Azərbaycan milli rəqslərinin sirrlərini öyrənib. Bakı Mədəni-Maarif Texnikumunun Kütləvi tədbirlər rejissoru fakültəsində təhsil alıb (2002-2005). Cabir Novruz Fondunun nəzdində “CNF production”da prodüser kimi çalışıb (2005-2006). Həmin illərdə bir neçə klip ve reklamlarda çəkilib. 2012-ci ildən aktrisa kimi fəaliyyətinə davam edib. 2014-cü ildə Azərbaycan Dövlət Akademik Milli Dram Teatrının nəzdindəki studiyada fəaliyyət göstərib. 2015-ci ildə “M-Teatr”ın üzvü olub. Hazırda “M-Teatr” ilə yanaşı seriallarda və filmlərdə çəkilir. 2020-ci ildən “Actors Agency” aktyor agentliyi ilə əməkdaşlıq edir.