Gülçöhrə Heydər qızı Abdullayeva Bakıda anadan olub. 24 saylı orta ixtisas musiqi məktəbinin qarmon, kanon və fortepiano sinfində (1984-1990), Azərbaycan Dövlət Mədəniyyət və İncəsənət Universitetinn Dram-kino aktyorluğu fakültəsində (1992-1996) təhsil alıb. 1992-ci ildə “Təbəssüm” teatr studiyasında, 1994-cü ildə Tənqid-Təbliğ Teatrında, daha sonra Cəfər Cabbarlı adına İrəvan Azərbaycan Dövlət Dram Teatrında və İlham Miniatür Teatrında çalışıb. 2007-ci ildən Azərbaycan Dövlət Musiqili Teatrın aktrisasıdır.