Gülər Nəbi qızı Nəbiyeva Yevlax rayonu Yuxarı Bucaq kəndində anadan olub. Azərbaycan Dövlət Mədəniyyət və İncəsənət Universitetinin Dram və kino aktyorluğu fakültəsində təhsil alıb (1989-1994). 1992-ci ildən Bakı Kamera Teatrının, 2009-cu ildən Azərbaycan Dövlət Gənc Tamaşaçılar Teatrının aktrisasıdır. Heydər Əliyev adına Müasir Təhsil Kompleksinin Estetika kafedrasının müəllimi kimi çalışır. “Dədə Qorqud” festivalının laureatı olub (2000). Əməkdar artistdir (2002).