Elxan Yəhya oğlu Əhədzadə Bakıda anadan olub. İlk sənət təhsilini C.Cabbarlı adına kinostudiyanın Kino aktyoru kursunda Adil İsgəndərovun sinfində alıb. Daha sonra Azərbaycan Dövlət İncəsənət İnstitutunun Musiqili komediya aktyoru fakültəsində təhsil alıb (1972-1977). 1969-cu ildə Rus Dram Teatrında, 1977-ci ildən Azərbaycan Dövlət Musiqili Komediya teatrında, bir müddət Mahnı Teatrında fəaliyyət göstərib. Ömrünün sonuna qədər Musiqili Komediya Teatrında bir çox obrazlar yaradıb. Opera teatrının səhnəsində də çıxışları olub. Əməkdar artist, Xalq artisti (2006) Elxan Əhədzadə 2010-cu ildə vəfat edib.