Elçin Bəhram oğlu İmanov Yardımlı rayonunun Tilə kəndində anadan olub. Azərbaycan Dövlət Mədəniyyət və İncəsənət Universitetində təhsil alıb (1988-1993). Azərbaycan Dövlət Rus Dram Teatrında (1989-1996), Azərbaycan Dövlət Musiqili Komediya Teatrında (1996-2000) aktyor kimi fəaliyyət göstərib. Şoumenlik və aparıcılıq edir, televiziyada və Bakı Dövlət Sirkində aparıcı olub. 2002-ci ildən yenidən teatra qayıdıb. Hazırda Musiqili Teatrın aktyorudur.