Çimnaz Əlövsət qızı Ağakişiyeva Bakıda anadan olub. Azərbaycan Dövlət Mədəniyyət və İncəsənət Universitetində teatrşünaslıq və teatr-konsert işinin təşkili fakültələrində təhsil alıb. 1994-cü ildən Azərbaycan televiziyasında çalışıb. Hazırda İctimai televiziyanın böyük redaktorudur. “Elm xadimlərimiz” və “Gənclik həyatı” silsiləsindən çoxsaylı filmlərin və verilişlərin müəllifidir.
Ssenari müəllifi Çimnaz Ağakişiyeva rejissor Ramin Nazıyevin həyat yoldaşıdır.