Boris Yakovleviç Pumpyanski 1906-cı ildə anadan olub. Bədii Məktəbdə (1927) və Odessa Kino Texnikumunun operatorluq bölməsində (1931) təhsil alıb. Azkino-Azərfilm kinostudyasının operatoru və xronika şöbəsinin bədii rəhbəri (1931-1935), Alma-Ata sənədli-xronikal studiyasının operatoru (1938-1943) olub. Cəbhədə çəkilişlər aparıb. 1944-cü ildə Karpat ətrafında çəkiliş apararkən həlak olub. Moskvada dəfn olunub.