Ayşad Səfərəliyev Bakıda anadan olub. Respublika İncəsənət Gimnaziyasının rəssamlıq fakültəsində (2007), Azərbaycan Dövlət Mədəniyyət və İncəsənət Universitetinin Kütləvi tədbirlər rejissoru ixtisasında, Sergey Gerasimov adına Ümumrusiya Dövlət Kinematoqrafiya İnstitutunda təhsil alıb. “Bircə saat” filmi Ailə festivalında birinci yerə (2011), “Neft şəhərinin sakini” filmi Ümumrusiya “Artkino” qısametrajlı müəllif filmləri kinofestivalında münsiflər heyətinin xüsusi mükafatına (2012), “İnikas” filmi IV “Qırğızıstan – qısametrajlı filmlər ölkəsi” beynəlxalq festivalında “Münsiflər heyətinin xüsusi mükafatı”na layiq görülüb.