Amin Novruzəli oğlu Novruzov Bakının Güzdək kəndində anadan olub. Ümumittifaq Dövlət Kinematoqrafiya İnstitutunun kinooperatorluq fakültəsində təhsil alıb (1978-1983, Vadim Yusovun emalatxanası). 1983-cü ildən “Azərbaycanfilm” kinostudiyasında quruluşçu-operator kimi çalışmağa başlayıb. 1998-ci ildən Azərbaycan Dövlət Mədəniyyət və İncəsənət Universitetində pedaqoji fəaliyyət göstərir. Əməkdar incəsənət xadimidir (2000).