Əsgər Məmmədov Ağdam rayonunun Mərzili kəndində anadan olub. Əzim Əzimzadə adına Rəssamlıq Məktəbində (1965-1969), Ümumittifaq Dövlət Kinematoqrafiya İnstitutunun multiplikasiya rejissorluğu fakültəsində (VGİK, 1971-1976) təhsil alıb. Cəfər Cabbarlı adına “Azərbaycanfilm” kinostudiyasında çalışıb (1976-1990). Rəssam kimi işləri dünyanın müxtəlif ölkələrində nümayiş olunub. 15-ə yaxın sənədli və animasiya filmində çalışıb. Azərbaycanın və Rusiyanın Əməkdar rəssamıdır.