Əlibala Ənvər oğlu Məmmədov Bakıda anadan olub. Ümumittifaq Dövlət Kinematoqrafiya İnstitutu nəzdində ixtisasartırma kurslarında təhsil alıb (1988). Hərbi xidmətdə kəşfiyyatçı-pirotexnik ixtisasına yiyələnib. 1970-ci illərdə bir müddət “Mosfilm”də fəaliyyət göstərib. 1977-ci ildən “Azərbaycanfilm” kinostudiyasında pirotexnik kimi çalışır. Rusiya istehsalı olan “Dronqo” (2002, rejissor Zimoviy Royzman) serialında pirotexnik kimi çalışıb. Əməkdar mədəniyyət işçisidir (2019).