Aqşin Kazımzadə Bakıda anadan olub. Azərbaycan Sənaye İnstitutunda təhsil alıb. Jurnalistikaya ilk qədəmlərini tələbə ikən “Molodyoj Azerbaydjana” qəzetində qoyub (1956). “Bakinski raboçi”, “Vışka” və Bakıda nəşr olunan digər rusdilli qəzetlərdə müxtəlif vəzifələrdə çalışıb. “Sovetski sport”un Azərbaycan üzrə yeganə azərbaycanlı bölgə müxbiri işləyib. 2001-ci ildən “Azərenerji” ASC-nin mətbuat xidmətinin rəhbəri işləyib. “Qızıl qələm” mükafatı laureatı, Əməkdar jurnalist Aqşin Kazımzadə 2011-ci ildə vəfat edib.